Comunidad di Aruba ta invita pa un actividad cu lo tin diasabra venidero cumisando 7’or di mainta pa 4’or di atardi na e Iglesia dilanti di Macro na San Nicolas, den edificio di Ibero High School. E prome paso lo ta pa entrega paña uza, paña nobo y sapato, na henter poblacion. Paña pa hende homber, hende muhe y mucha, tur esey lo ta gratis den un seccion di e iglesia.
Bo ta bin 7’or di mainta y bo ta piki locual cu bo mester segun necesidad di bo cas. Pa 10’or di mainta lo cuminsa cu vlooienmarkt a pesar cu for di 7’or di mainta caba lo ta habri cu algun stul special pa temporada di campamento, baki di plastic pa warda cos, paña of serbete na prijs barata y mas cos chikito cu por uza.
Pa 11’or di mainta lo cuminsa cu cuminda: lo tin cuminda crioyo, funchi cu pisca, banana hasa, salada, y mesun pisca bo por hay’e cu aros moro salada y berdura. Lo tin un tremendo sopi di pesca cu di berdad lo duna bo animo.
Ta invita pueblo di Aruba diasabra 2 di maart, 7’or di mainta, sali bo cas cu bo shopping bag y piki locual bo mester, paña nobo of uza, sapato nobo of uza, tur tamaño, paña pa mucha tambe.
Tin un gran cantidad di paña y ta deseo di e iglesia pa tur hende haya loke nan mester pa nan hogar. E cumindanan ta na 17,50 pa plato, y 15 florin pa sopi, y asina lo sigui pa sirbi pueblo di Aruba.
