Ningun hende por bisa cos ta bon, mi ta feliz, ora e sa 100% cu su bida no ta den boluntad di Dios.
Mescos cu ora un hende ta malo y bo ta puntr’e con a sigi e ta bisa bo basta bon esey ta nifica cu te ainda tur cos no ta bon.
Ora hende ta biba den pica y e tin conocemento cu e ta den pica, malicia inmoralidad, violencia etc , un persona asina nunca por ta confortabel.
Hende no ta traha pa bida den pica , pica ta un sushedad cu diabel a trece den bida di hende, y esey a cuminsa for di e encuentro di e colebra cu Adam y Eva den e hofi, pa kibra hende su comunicacion cu Dios.
Unabes hende ta tolera pica den nan bida, of hende ta haci pica conscientemente, y continuamente y no kier arepenti , esey ta conduci na un bida di scuridad, un bida separa for di Dios, caminda un hende tin cu aparenta di ta bon, pero den su curason e sa cu e no ta bon,
Y pasobra e bida cu Dios no ta bon, su consenshi ta pone sinti cu e ta wordo discrimina, of hende ta papia riba dje, pero di un of otro forma e no ta sintie bon pasobra pica ta trece berguensa hunto cune.
Despues di comete pica , Adam y Eva, a cuminsa sinti miedo y culpalidad, nan no tabata cana den e libertad custumbra cu Dios a duna nan, hasta nan a bay sconde pa Esun cu ta mira tur caminda, Esun cu ningun hende por sconde nada pe, y esey ta Dios, pasobra consenshi sushi ta trece intrankilidad.
Awendia tin hende ta mantene nan bida, tumando remedi,pa nan por drumi tur dia, pasobra segun nan hende ta biba nan bida,y nan estado fisico, financiero y social ta bon , pero ta hendenan ta robes, aunke nan ta yama loke ta bon malo, y loke ta malo bon.
Tin hende ta droga y bebe tur dia, pasobra nan tin duele di algo cu a pasa, y cu te ainda nan no por confronta e situacion , awel nos tur mester compronde cu bibando den un situacion asina no ta confortabel.
Ta un bida fake, un bida disgusta, ora hende sa cu Dios no ta wordo agrada den su bida, pero toch pa orguyo y arogancia e ta continua toch den mesun situacion sin tene cuenta cu Romanonan 2:5 ni tampo Mateo 3;36.
Nos tur mester ta agradecido na Dios pa tur locual E haci pa nos , pasobra ta un Dios so tin , un mediador, y un Salbador y esey ta Hesus Cristo, y nos mester ta na altura cu esun cu tin e Yiu tin e Tata.
*Un auto no por core distancia largo cu un flat tire pasobra e ta zona y daña otro piesanan bao di e auto.
*Falta di desodorante ta pone hende ta inconfortabel cu nan mes y tambe dilanti di otro hende.
*Awor haciendo pica y biba den inmoralidad, no ta mesun cos? Of scuridad ta asina fuerte cu hende ta kere cu nan ta invisibel y por biba manera nan kier.
Laga nos tur tene cuenta cu lo siguiente:Pasobra e pago di pica ta morto, ma e don di e gracia di Dios ta bida eterna den Cristo Hesus nos Señor.( Romanonan 6:23).
Y si nos confesa nos pica , E ta fiel y husto di pordona nos, nos picanan y libra nos di tur inhusticia.( 1 Juan 1:9).
Sinceramente Pastoor Marcel Balootje.
