E artista pornografico Betty Foxxx awe a graba un declaracion rabia, pa motibo cu e ta sinti cu prensa local, entre otro 24ora.com, ta purba difam’e. E ta insisti cu e ta un bon persona y no merece e trato aki. E ta exigi pa baha e noticia di dje den Parke Arikok bayendo Conchi, sino e lo bay abogado pa cuminsa un procedura legal contra medionan di comunicacion.
Betty Foxxx a bin Aruba pa pasa vakantie pero a keda pega. Den e proceso el a dicidi di purba haci su trabou na Aruba, esta di graba videonan pornografico. Un di su videonan el a graba den Kapel di Alto Vista, locual a causa masha dolor, rabia y disgusto bou nos poblacion, cu den su mayoria ta Catolico.
Awo, a pesar cu Ministerio Publico y Minister di Husticia a informa di su detencion y persecucion, toch awo e ta rabia cu media y kier exigi rectificacion. E ta nenga di tabata deteni.
Mientrastanto tres dia prome cu su salida pa Hulanda, unda e ta bibando y trahando tambe, e kier manda menasa den direccion di prensa local en general entre otro 24ora.com.
Betty Fox mes ta un figura publico cu ta expone su mes sexualmente pa gana placa. Na Aruba el a bira noticia ora cu el a viola leynan di nos isla cu e acto cu el a haci den Kapel di Alto Vista. Si e ta bon hende manera e ta bisa, e mester realisa cu aki tambe tin hende drechi ta biba. Si Betty Fox ta falta respet den un cas di oracion unda respet mester tey, awe e mester carga e consecuencianan.
Diaranson supuestamente e ta bandona Aruba riba un vuelo pa Hulanda. Si na Hulanda e ta normal pa e drenta cualkier cas religioso, na Aruba e fli ey no ta subi!
E tabata den Parke Arikok y a saca foto etc, den Parke exponiendo su mes. Tur esaki mientras cu Parke ta cera pa publico.
Betty Foxxx mester djis corda cu cada pais tin su norma y balornan. Ta duda cu prensa di Aruba lo bay elimina un noticia caminda tin tur prueba di video cu e mes a expone riba su actonan riba rif. Loke a hink’e den e problema ta ora el a drenta kapel y disfruta masha burlando di un area cu ta exigi respet. El a smile, el a enjoy mientras cu e tabata vigila un persona cu ta responsabel pa e Kapel. El a abusa di e confiansa.
Aruba ta desea Betty Fox feliz biahe diaranson. Dia cu e kier bin bek Aruba e tene cuenta cu aki tin hende drechi ta biba y cu tipo di actonan asina ta negoshi pe, gusta pa un grupo di maniatico pero un falta di respet grandi pa nos pueblo religioso.
