Dia a habri y tur hende ta pendiente di kico e horcan Beryl su efecto lo ta pa Aruba. E prome efecto cu por a mira ta e cambio den e lama trankil cu Aruba ta conoci cu ne.
Na e sitio a topa cu Robert Statie, kende aunke ta traha, tabata un di nan cu a probecha di e olanan grandi cu por a mira na e beach aki pa practica Bodyboard.
Por a compronde for di trempan e habitantenan di e area por a mira e cambio di tempo cu a trece lama bruto cu a afecta e beach mes. E awa a subi tera y e palapanan tabata bou awa. E hendenan cu a bay pa disfruta di e beach no por a haci esaki, pasobra no tin ningun luga pa sinta riba e beach.
No por a tuma nota di ningun advertencia poni na e sitio pa ta cauteloso pa uza e beach cu e lama bruto aki.
