Den declaracionnan haci pa e parlamentario opositor Benny Sevingere diahuebs mainta, e ta relata con e ta kere cu e ultimo desaroyonan den maneho di energia a bay na man di Gabinete Wever-Croes I y II. Sevinger a indica con:
“RDA ta bisa prome minister: ‘Prome minister, ami ta cla cu Eagle LNG, abo mes a firma tur e acuerdonan aki, pero con nos ta bay obliga WEB pa tuma e gas aki? Ahn nos tin un idea. Ta nos ta doño di WEB toch? Nos ta doño di Utilities toch? Utilities ta esun cu ta manda riba WEB toch? Kiermen nos ta bay duna opdracht na Utilities, pa Utilities duna opdracht na WEB’.
Pasobra RDA no por duna opdracht na WEB, a obliga nan di tuma e gas. Anto e ora ey a bay obliga Utilities pa Utilities obliga WEB. Anto ora WEB ta hay’e confronta: ‘Warda un rato, di unda e cos ki ta bin? Ami mes ta bezig, mi tin otro companianan cu por ta tin un miho deal. Boso no kier ni pa mi wak ico boso nan a firma cu Eagle LNG, pero bo kier mi tuma e gas si. Bbo kier pa mi core cu e gastonan.’
E ora ey e directornan di WEB y e abogadonan di WEB a bisa cu e cos no ta bay asina aki. Anto e ora ki bo tin cu haci? Pasobra ba firma caba cu Eagle LNG, b’a bisa nan caba cu bo ta bay cumpra. E ora nos tin cu bay kita e directornan, nos ta bay kita Luis Oduber y nos ta bay kita Randall Ruiz y nos ta hala abogadonan di WEB un banda. Mi ta pone mi propio tata, mi ta pone mi sua, mi ta bay pone nan como director, anto e ora nos por firma cu Eagle LNG.
Pa e relato completo, lesa TREMPAN
