Departamento di Asuntonan Economico, Comercio y Industria ta informa cu introduccion di BBO na frontera entrante 1 di augustus 2023 no tin efecto di aumento riba e prijsnan pa productonan cu ta pertenece na e “Canasta Basico”. E canasta basico actual ta consisti di e siguiente 22 categorianan di productonan:
1. Aros
2. Hariña di maisha
3. Te
4. Koffie
5. Lechi pa baby
6. Cuminda pa baby
7. Azeta pa cushina
8. Lechi en polvo
9. Lechi likido pa koffie
10. Boonchi, cora, seco
11. Boonchi lima, seco
12. Boonchi preto, seco
13. Salmon, den bleki, den awa
14. Sardine, den bleki, den awa
15. Tunafish, den bleki, den awa, chunk/flaked/grated
16. Spinashi, frozen
17. Mixed vegetables, frozen
18. Broccoli, frozen
19. Havermout
20. Spaghetti
21. Hariña all-purpose
22. Lechi likido duradero den tetrapak
Departamento di Asuntonan Economico ta tene cuenta cu e productonan den nan forma mas basico di cada categoria, sin smaak of ingrediente adicional. A base di informacion di factura y gastonan di transporte obteni (segun e landsbesluit invoervegunning goederen) y un margen limita pa mayorista y detayista, Departamento di Asuntonan Economico ta calcula prijs pa cada producto individual pa diferente marca y contenido.
Ta publica y anuncia cada dos siman cambionan den e lista di prijs den Landscourant. E lista actual ta disponible riba e App ‘Control di Prijs’. E App ‘Control di Prijs’ ta disponibel pa download riba GOOGLE PLAY pa android devices y APP STORE pa apple devices.
Controladonan di Departamento di Asuntonan Economico ta eherce control diario riba e prijsnan regula na supermercadonan. E autonan cu ta haci e control akinan ta D-281, D-381 y D-382.
Banda di e canasta basico Departamento di Asuntonan Economico ta publica tur siman e ‘Macuto di Compras’ riba e website: www.deaci.aw y tambe riba pagina di Facebook di Departamento di Asuntonan Economico. E ‘Macuto di compras’ ta un observacion di prijs di productonan no regula den diferente supermercadonan.
E prodcutonan aki no tin prijs maximo di parti di gobierno. E ‘Macuto di Compras’ ta un tool pa e consumidor cu ta indica e consumidor cual supermercado ta bende cierto producto na mihor prijs.
Departamento di Asuntonan Economico ta encurasha consumidornan pa haci uzo di e App “control di prijs’ y tambe di e informacion di ‘Macuto di Compras’ pa haci compras mas consciente di e prijsnan. Pa pregunta, keho of irregularidad, por haci uzo di e app y e numbernan di telefoon menciona den e app of mail Departamento di Asuntonan Economico: [email protected].