Tabata alrededor di 3:45 am ora cu polis a presenta na Lekker Bar p’un simpel molester di musica duro. E caso a desaroya su mes den uno mucho mas alarmante. Ta ora cu diferente persona a tuma nota cu nan glas di auto tabata perfora cu bala. Ta trata di por lo menos nuebe auto cu a ricibi bala. Tin di e autonan a ricibi un bala, algun a ricibi dos, y mientras tin cu a ricibi tres of mas perforacio.
A activa varios polis p’asina atende cu e situacion aki. A cera e area completo pa cuminsa cu e parti investigativo. No ta conoci ken a pasa los bala, ni ki ora y tampoco si tabata na pia of si a pasa den auto. Un cos ta sigur, varios auto a keda cu glas destrui.
E tirado no a discrimina, el a los bala riba un Nissan March, Hyundai Creto, Kia Cerato y mas. Un BMW tambe a haya. Polis forensico a presenta p’asina saca potret di e auto envolvi, cu lo contribui na e investigacion.
Un cos ta sigur, mayoria hende cu polis y 24ora.com a papia cu ne, a confirma cu nan no a scucha ni wak nada. E noticia aki ta uno den desaroyo, asina ricibi mas informacion for di Cuerpo Policial, nos lo mantene nos usuarionan bon informa, manera semper.
