Siman pasa na Piscina Olimpico Roly Bislik a tuma luga e competencia di Landamento Artistico pa celebra Dia Himno y Bandera 2022. Manera custumber e competencia ta encera e parti tecnico (figuranan) y e partinan di rutina. Tabatin un grupo di principiante cu apenas a cuminsa cu e deporte cu a demostra algun di e tecnicanan cu nan a siña. Asina ful e club di Barracudas por a participa e dia aki.
Den preparacion p’e competencianan internacional, e grupo di “seniors” (esta 15 aña bay ariba) a demostra nan ekiponan Tecnico y Liber. Tambe e atletanan Novice y Intermediate cu lo bay representa Barracudas na Florida aki dos luna, a mustra locual nan tin prepara.
Mirando e cantidad grandi di atleta y publico cu a presenta realmente ta ripara cu tur hende ta hopi entusiasma pa por haci deporte y competi atrobe. Tabatin badpaknan masha bunita mes y tur atleta realmente a luci.
E siguiente atletanan cu a participa tabata:
Beginners: Aliyah Croes, Tahnee Filiciana, Ella Gomes, Iliana Gonzalez, Juryane Kelly, Isabella Vasco, Josslyn Velasquez;
Novice: Kaylie Eman, Khloe Dabian, Lia Angela, Nalini Lopez Henriquez, Sydelle Lopez Henriquez, Robby Lopez Henriquez;
Intermediate: Katherine Merryweather, Zaria Wester, Zoë Olmtak, Victoria Henriquez, Anaël Misiedjan;
12au: Sophie Belle Rafini, Khloë Rafini, Xiana Hoo, Katiana Vizhco;
13-15: Xia Rodriguez, Valentina Wong, Kendra Simon, Daniela Muñoz, Safirah-Lee Redhead, Abizahi Sanchez, Camila Tromp, Emylaine Mathilda;
Juniors: Ambar Silva;
Seniors: Mikayla Morales, Alina Dirksz, Harianny Abreu, Mariajose Salazar, Angelina Hamoen, Edianne Croes, Mariajosee Salazar, Janely Piña y Melanie Tromp.
Barracudas Aruba ta invita mucha muhe y mucha homber entre 6 – 10 aña pa bin cera conoci cu e deporte di landamento artistico. Tur training ta tuma luga na piscina olimpico Roly Bislik na Savaneta. Si tin interes pa haci un “tryout” por tuma contacto libremente cu coach Yami na #7458347. Tambe por pasa na piscina na Savaneta di dialuna pa diahuebs entre 3:00 pa 5:00 pm, of diasabra mainta entre 8:00 pa 10:00 am. E unico rekisito cu tin ta cu e mucha mester por landa.
Ken ta Barracudas Artistic Swimming? Barracudas Artistic Swimming desde 1974 a introduci e comunidad di Aruba na e bunita deporte di Landamento Artistico, cu e meta principal pa brinda e atletanan oportunidad pa desaroya y prepara nan mes den e deporte pa competencia internacional. Pa mas informacion por bishita nos riba Facebook @barracudas.aruba, Instagram Synchro Aruba of Website: www.barracudasaruba.com.
