Diamars anochi, un poco pasa di 8:00 pm, a sosode un accidente na Sero Pita, caminda cu un pickup Toyota Hilux a bay dal den un pal’i luz, consecuentemente lagando e bario di Piedra Plat den scuridad.
Polis y ambulance a presenta n’e sitio. Eynan mes, personal paramedico a atende cu e chauffeur pa despues transport’e pa hospital pa ricibi atencion avansa.
A pone Elmar tambe na altura p’asina bin mira e daño causa n’e palo di luz, pa despues restaura e coriente den e bario.