Companianan priva y comunidad uni pa brinda yudansa na momentonan dificil cu Cacique Macuarima ta pasando aden. E aprecio y gratitud ta refelha den cara di cada docente na momento di ricibi cada donacion. Mientras cu limpiesa y preparacion extraordinario ta tumando luga pa mira recuperacion total di e candela, mas y mas donacion ta sigui drenta.
Diabierna ta drenta grato noticia cu Caica Real Estate tambe ta forma parti di e lista di companianan cu a duna sosten na Cacique Macuarima. Un tremendo donacion haci na e scol durante oranan di atardi. Sorpresa y mas sorpresa ta yega di pueblo y comercio na scol Cacique Macuarima. Locual cu ta duna tur hende e forsa / empuhe nesecario pa sigui. Tur e gestonan grandi aki ta pone cu cada biaha ta mira mas cerca e meta final.
Na momento cu haya tur alumno y docente bek den nan klas eherciendo nan bunita tarea, di mira cada un ricibi y/o brinda educacion, e dia ey por hala un rosea grandi y yama un danki infinito y final na cada persona/ compania/ fundacion cu a para banda di nan ora cu mas nan tabata tin mester di dje.
Ainda no ta eynan, lo aprecia tur donacion y/o compania cu ainda ta dispuesto pa yuda. Lamentablemente tin cu bisa cu falta hopi ainda, pero nos curason ta convenci cu e pueblo aki ta di bon curason y cu mas hende lo aporta pa sina nos recupera di e golpi duro aki. Den nomber di tur alumno y docente di Cacicque Macuarma, Danki.
