Den un ambiente super ameno riba veld di Madushi Stars, Balashi Sunrise Stinger a batisa nan uniform.
Segun manager di e team, Anthony Thompson, nan tin 4 aña den liga 50, titulando campeon den varios torneo. Dos biaha subcampeon den liga mayor. Sperando di bay cu e trofeo di campeon den liga mayor.
Nan ta bayendo Sint Maarten na November, pa asina nan bolbe coy e titulo di campeon, manera tabata e caso 2 aña pasa. E hungadornan ta contento cu nan uniform nobo.
Thompson ta gradici Balashi pa nan sosten como tambe Devin de Veer kende ta nan madrina. Nan tin bon relacion cu nan sponsor.
Nan ta contento, e ekipo ta contento y ta spera cu nan por dura un dies aña mas.
Sosten
Tropical Bottling ta contento di por duna sosten na un team di p’ariba di brug, aunke cu nan tin un paar di aña cu nan caba, segun Richard Giel, special event coordinator.
Esaki ta algo bon, el a splica, cu e compania por haci den forma di duna bek na comunidad. Specialmente e productonan cu nan tin cu ta Balashi y tambe Chill, den e caso aki. Giel, den nomber di e compania ta desea nan hopi exito pa e temporada cu ta bay bin aki.
