Diadomingo atardi alrededor di 3:15 pm a sosode un caso basta serio na altura di e beach cerca di Warda di Polis di Strandpolitie. Diferente persona a yega na careda na e warda pa bati alarma cu un mucha di tres aña a confronta problema den lama. A logra bin cu e mucha riba beach y cuminsa traha cu ne mesora.
A pidi mesora pa ambulance presenta cu maximo urgencia. E baby tin tres aña y ta un mucha muhe. A keda basta rato ta traha cu ne na sitio prome cu a pone riba ambulance pa hib’e hospital. Polis na nan turno a cera varios crusada y rotonde riba Sasakiweg p’asina e ambulance yega mas lihe posibel na hospital.
Na nan yegada na hospital e team di ‘eerste hulp’ a tum’e baby over y a sigui cu e proceso pa purba reanim’e. A lucha te final pero no a logra. Pa 4:25 pm dokter Arends a constata morto di e baby di tres aña, tin cu subraya si cu a haci nan maximo esfuero pero no a logra.
