Entiero di e politico Benny Nisbet ta awe diarason na misa Catolico di Savaneta. E corteho funebre lo sali pa 11:00am for di Aurora Funeral Home riba Avenida Watty Vos.
E stoet lo para pa 2 minuut dilanti di Parlamento pa ricibi un krans despues ta sigui pa Bestuurskantoor. Lo para ey tambe pa dos minuut y despues ta sigui pa Pastoor Hendrikstraat # 3 na San Nicolaas, na cas di Benny. Djey ta regresa Savaneta y lo para un rato dilanti cas di mayornan di Benny pa despues continua pa misa di Savaneta.
For di misa, despues di e ceremonia di entiero, lo bay Santana Central di Sabana Basora.
Ta bon pa informa cu, esunnan cu no por yega misa pa despedi, cu lo transmiti henter e entiero den misa via e pagina di Facebook “Obituary Aruba”.
