E cantante Colombiano Shakira a evita dialuna ta husga na Spaña pa fraude fiscal a cambio di un multa miyonario, cu cual e ta evita sinta castigo den prizon, cu a sigura cu e ta acepta pa no perhudica su yiunan.
“Mi yiunan a pidi mi, pa nan mi a tuma e decision aki,” e artista a afirma na momento cu el a aparece dilanti corte di e ciudad Spaño Barcelona. E multa ta cerca di 7,8 miyon euro, despues di a paga prome otro 17,5 miyon, e 14,5 na belasting Spaño entre 2012 y 2014 fuera di otro tres di interes.
MULTA FUERTE CU TA SALB’E DI PRIZON
Shakira a yega n’e audiencia di Barcelona, memey di un gran expectativa mediatico, compaña pa su abogadonan y varios polis.
Cu bril di solo y un bisti ros, el a drenta door di e porta principal mientras cu riba e acera dilanti, tras di baricada policial, un centenar di persona tabata sper’e di cerca, mayoria di nan periodista y fotografo, pero tambe curioso y algun fanatico cu tabata pidi “husticia pa Shakira.”
E cantante tabata acusa di no a paga belasting durante e añanan ey, pretendiendo cu e tabata biba pafo di Spaña.
Shakira, di 46 aña, a biba cu e ex-futbolista Spaño di FC Barcelona y awo empresario Gerard Pique, di 36 aña durante diesdos aña, te cu 2022 caminda nan a anuncia nan separacion y Shakira a bay Miami (Merca) cu nan dos yiunan despues di un acuerdo riba nan custodia.
Un pacto cu husticia Spaño a evita cu a hung’e, aunke a cambio di e multa ey y di un condena di tres aña cera, cu e no lo mester cumpli, entre otro motibo pa cual corte a suavisa e multa.
Hopi menos cu e peticion cual el a enfrenta, ya cu Ministerio Publico a pidi ocho aña y dos luna di prizon mas un multa di 23,7 miyon euro, cu a keda na mita di e 14,5, miho bisa 7,3 miyon, mas otro 432 mil euro contra un suma di 400 pa dia cu e evita pasa anochi tra’i tralie.
Pa mas detaye lesa TREMPAN.
