Pasheronan cu destino madre patria, ta pasando den un mal momento, despues cu a drenta informacion cu avionnan di KLM y di TUI a haya nan mes cu problemanan tecnico y ta na tera.
Aparentemente e avion di KLM tin problema cu motor, mientras tanto cu esun di TUI tin problema cu flaps. Actualmente ta purbando pa drecha esaki pa mira si ainda pa ae e pasaheronan por bay Hulanda. Ta trata aki di pasaheronan cu a aborda na Corsou y a bin Aruba, pa sigui pa Hulanda y tambe pasaheronan cu ta aborda e avionnan pa e mesun destino. Aunke, tin cu bisa cu varios di e pasaheronan no ta confia e asunto y finalmente a dicidi pa no bula. Mientras tanto TUI a logra soluciona su problema tecnico cu actualmente e pasaheronan ta abordando e avion pa Hulanda. Pero si KLM no ta bulando mas. Nan no a logra soluciona na problema.
