Diabierna, un poco pasa di 6:30 pm, polis y bombero a bay na Tarabana, un poco pabao di Watty Vos Boulevard pa un auto na candela.
N’e sitio unidad di bombero a logra domina e candela. Ta trata aki di un auto bandona di marca Kia modelo Serano.
No tabata facil p’e bomberonan paga e candela aki. E candela aki a causa cu e huma a bay direccion centro di ciudad, causando asina molester cerca habitantenan den vecindario.
