Diasabra marduga polis a bay na rotonde Tanki Leendert pa un Auto SUV color Blanco cu a ranca un palo di luz completo cu su transformator riba dje y despues bay dal varios auto den parkinglot di Jaced Wheels.
Na yegada di polis, a sera caminda pa auto no por sigui pasa debi cu e wayanan di coriente ta core hopi abou y a notifica ELMAR p’asina bin atende e palo di luz.
Ambulance tambe a presenta debi cu e automobilista masculino tabata herida. E accidente a tuma luga na rotonde di Tanki Leendert riba diasabra marduga lagando e area di Tanki Leendert sin coriente henter anochi.
E auto a ranca un palo di luz completo y despues ranca diferente otro cos, finalmente subiendo parti di beton na banda. Esaki tabata uno di varios accidente cu a tuma luga diasabra marduga riba nos isla, mayoria debi na velocidad halto y perdemento di control.
![](https://24ora.com/wp-content/uploads/2023/10/IMG_5039.jpg)
![](https://24ora.com/wp-content/uploads/2023/10/IMG_5036.jpg)
![](https://24ora.com/wp-content/uploads/2023/10/IMG_5018.jpg)
![](https://24ora.com/wp-content/uploads/2023/10/IMG_5016.jpg)
![](https://24ora.com/wp-content/uploads/2023/10/IMG_5015.jpg)
![](https://24ora.com/wp-content/uploads/2023/10/IMG_5011.jpg)
![](https://24ora.com/wp-content/uploads/2023/10/IMG_5010.jpg)