Diasabra marduga despues di 4:00 am polis a presenta riba e caminda di Tanki Flip pa Hato caminda c’un auto a ranca un palo di luz. Ta trata aki di un auto marca Kia modelo Picanto color blanco.
Tin un solo auto envolvi den e accidente aki. E chauffeur a conta polis cu el a pega soño tras di stuur. Daño material tabata basta, no solamente n’e auto pero n’e palo di luz cu tabata kibra den dos parti.
Personal di Elmar a presenta pa atende cu e situacion. A haya masha straño mirando cu ta solamente un tecnico a presenta na sitio. Compara cu antes unda ta manda truck completo pa hasta cambia e palo di luz di biaha. E tecnico a haci su parti y a informa polis cu mas den mainta ora solo sali, un truck lo presenta pa sigui cu e trabou. Personal di seguro tambe tabata n’e sitio hunto cu polis pa registra y documenta e accidente aki.
