Diahuebs, poco pasa di 11:00 pm, polis a ricibi informacion di un auto cu lo tabata pega den e plas net pabao di Light House. Ta trata aki di un Hyundai Elantra colo shinishi cu un pareha aden, cu di un manera of otro tabata den e plas y no tabatin manera pa sali afo.
Polis na e sitio a pone su mes na altura di e situacion y a bay purba di yuda toch pa nan por logra sali di e plas. Sinembargo no a keda nada otro di yama Forensys, p’asina nan presenta pa atende cu e incidente y busca un takelwagen pa saca e auto for di e plas.
No ta conoci si despues cu nan a saca e auto, esaki a logra start y sigui su caminda.
