Autoridadnan a bay cu urgencia diamars anochi 8:30 pa un auto cu ta na candela na Macuarima. Esaki tabata den cercania di Wema parti patras.Polis a yega prome na e sitio y cera e caminda parcialmente. Un auto tabata completamente na candela cu vlamnan bastante grandi cu por a wak di leu.
E auto a kima bastante riba un pida tereno habri prome cu bomberonan a yega. Na yegada di bombero no por a haci nada mas pa scapa e auto. A mas bien paga e candela so.Algun habitante di e bario a bisa di lo ta un auto “gekonkel” hinca den otro y ta core frecuentemente riba abou den bario.No ta conoci e origin di e candela.
