Diadomingo anochi alrededor di 10:20 pm a sosode un accidente rib’e camind’i Tarabana. Ta net pabou di Casa Vieja. Aki ta caminda cu un auto marca Hyundai numera A-2296 color blanco a alcansa un peaton. E peaton a haya basta sla na cabes y tambe na lomba. Daño material na e auto tabata poco.
Polis di trafico a presenta pa atende cu e accidente mientras cu ambulance a atende cu e victima na sitio mes. Aunke cu paramediconan a conseha e victima pa hib’e hospital p’e recibi atencion medico avansa, el a nenga e peticion rotundamente.
