| Diabierna pa mas of menos 9:20PM a sosode un accidente riba e caminda di Catiri. Un motociclista tabata core na e momento ey riba su Harley Davidson, ora cu diripiente un auto a bin y a dal den dje. Consecuentemente e motociclista a cay cu su vehiculo y herida su mes. E chauffeur cu a ocasiona e accidente a bandona e sitio di biaha. Polisnan a presenta pa tuma declaracion di tur loke a pasa y na mes momento a pidi asistencia di ambulance. Mientras cu tabata warda yegada di ambulance, amigonan di e motociclista a bisa polis di no sa ki modelo di auto a ocasiona e accidente y cu tur esaki a pasa di forma inespera. Na yegada e paramediconan di ambulance a controla e motocicista y a opta pa hib’e hospital pa un checkeo medico mas avansa. |
