Diasabra anochi alrededor 7:15 pm polis a presenta na Botica Dakota p’un caso di atraco. Ta un rato prome cu a sosode un caso di atraco na Camacuri Residence. Un bendedo di telefon a bay topa cu un posibel cumprado.
Ta trata di un telefon celular marca Apple tipo 11 Pro Max. E atracado tabata un hoben jong, bisti na berde cu un tas chikito. Ora a acerca e bendedo, el a ranca e telefon for di su man y core bay direccion Dakota.
E atraco, su supuesto nomber riba Facebook ta Carlos Rodriquez. A duna tur informacion necesario na polis, di cual a cuminsa cu un buskeda mesora den e area.
Tin cu subraya cu no ta prome biaha tipo di caso nan asina ta sosode ora ta bende un telefon celular. Pa colmo, e telefon no ta ni di e victima, el a bay haci un fabor pa su amiga, cu a salie di malo. E atracado no tabata arma y tampoco a agredie.
