Dialuna anochi alrededor di 6:45 pm a sosode un caso di atraco na Kam Man Food Mart na Pos Chikito. Aki ta caminda cu un homber cu muts riba cabes y cu bate den man a drenta y pidi pa benta di dia. Tabatin mas persona den e supermercado na e momento ey.
Te na e momentonan aki no ta conoci si a bay cu placa of no. Despues di comete e atraco, e homber bisti den paña color scur a huy na pia pa djey subi un scooter y disparce den cayanan di Pos Chikito. A activa diferente unidad di polis pa busca e atracado, pero sin resultado.
E polisnan di districto San Nicolas y Santa Cruz a busca tur rond den e cayanan di Pos Chikito y Sabana Basora. Polis ta stimula cualkier persona si por sa di algo pa yama nan tiplijn na 11141 y ta sigura cu bo ta keda anonimo. A notifica atraco team di e caso aki.
