Amika Every y Kim de Vries ta dos di nos top atletanan di FGA cu lo representa Aruba den categoria Hubenil na un competencia sumamente importante durante “VIII Campeonato Centroamericano de Gimnasia Artistica” na Panama, dia 31 di October te cu 4 di November.
Competencia lo tuma luga na Megapolis Convention Center, unda paisnan di Centro America, Caribe y Mexico lo participa. E competencia ta encera dos categoria; Gimnasia Artistica Masculina (GAM) y Gimnasia Artistica Femenina (GAF).
Una bes mas, Aruba tin e honor di representa nos esfuerso den un competencia cu nivel halto y halsa nos bandera! Kier a gradici tur mayor pa nan dedicacion y apoyo. Tambe un fuerte gradicimento pa coachnan cu e dedica hopi tempo pa asina logra hiba nos atletanan den exterior y representa nos dushi isla, Aruba! Diciplina ta rekeri pa por avansa den e deporte aki y cu e consistencia adecua, nos ta convenci di un dia hiba un atleta den wega nan Olimpico. Individualmente, nos ta balente, y den union nos ta fuerte!
