Den oranan di mainta autoridadnan a bay na Boca Catalina unda tin un homber cu no ta duna señal di bida. Na yegada di polis a confirma cu esaki tabata e caso. Ta trata di e homber Lodrico Briesen di 59 aña, kende ta un atleta conoci aki na Aruba. Debi na esey mes hopi ta duda cu el a hoga. Ta pensa cu kisas el a bira malo y fayece den awa.
Un persona na e sitio a bisa cu a nota cu e tabatin problema den awa, y un homber a sac’e y bati alarma. Na yegada di ambulance, a duna prome auxilio pero sin resultado.
E ta custumbra cu e lama eybanda y e no ta cualkier persona, sino un atleta cu a competi entre otro den triathlon. Pero tambe e ta un trainer.
Loke por a compronde ta cu ultimo dianan e tabata sinti un dolor den pecho. Incluso a pidi cita cu dokter, y el a haya esaki t’e pa otro siman. Un cita cu e lo no yega mas awo.
Recientemente su tata, Melecio Briesen, a fayece. Mundo di deporte sigur ta di luto. Na su famia ta bay palabra di condolencia.
