Diadomingo awo e relacion entre Aruba y Inglatera ta cuminsa, specificamente aeropuerto Gatwick, Aruba Airport Authority (AAA), Aruba Tourism Authority (ATA) y Aruba en general. Diadomingo e prome vuelo di British Airways ta bula pa Aruba.
Ronella Croes, CEO di ATA, a splica cu e logro aki ta di hopi aña. E tabata parti integral di e logronan strategia di basta aña pasa, mirando e profiel dje clientela di British Airways. Aki ta papia di cliente premium, un avion di 336 asiento cu clase ehecutivo como premium. E tin un reparticion basta amplio riba e vuelo aki. E clasenan ey ta bayendo bon.
E ta significa pa bay tras di e bishitante afluente y e pregunta ta con ta yega na dje. Esey ta por medio di ATA su strategia di comunicacion, tipo di producto cu ta ofrece, pero tambe e tipo di asociacion. Segun Croes, e ta significa cu e di dos mercado mas importante di Europa pa Aruba, cu semper tabata Inglatera, awo tin mas oportunidad pa crece esaki.
Por mira cu e asociacion cu British Airways y anuncio dje vuelo a resulta riba diferente operador nobo cu awo ta bende Aruba, cu no tabata bende Aruba anteriormente. Esey tambe ta haya acerca banda dje forsa di British Airways, cu tin esaki na Inglatera pero global tambe.
Pa mas lesa TREMPAN.COM.
