Oficina di Turismo di Aruba bou liderazgo di Ronella Croes tin e honor di anuncia cu nan lo sigui sostene Comite Olimpico Aruba (COA). A firma un acuerdo di dos aña cu COA, demostrando nan sosten na deporte y e atletanan cu ta saca cara di Aruba internacionalmente.
E ta importante pa brinda sosten, Croes a menciona. COA mester di fondo pa biaha pero ATA mester e mercadeo. E marca Aruba ta algo cu ATA no ta pichiri den dje, mirando cu nan sa por medio di cifra, cu e lo converti den mas bishitante pa pais Aruba.
E biaha aki ta mas importante ainda pa sostene COA mirando cu nos ta na caminda pa e weganan olimpico mundial cu lo tuma luga den luna di juli na Paris. Ya tin confirmacion cu tin tres atleta di Aruba cu lo bay y ainda falta algun pa caba di clasifica. E atletanan ta sirbi como un embahador di nos pais. E resultadonan ta papia pa nan mes y esey ta e base pa sigui sostene COA. E atletanan ta sirbi como ehempel hasta, Croes a termina bisando.
Wanda Broeksma ta presidente di COA, durante di e conferencia di prensa, el a indica bisando cu e resultadonan ta bisto. Nan forma di traha ta uno di transparencia. Nan ta bin bek na ATA, ta habri buki y ta mustra unda e placa a bay, asina ta crea confiansa tambe den nan partner local, ATA. Mr. Nicole Hoevertsz ta secretario general di COA, Hoevertsz ta contento cu e acuerdo aki.
Tin ora bo sa cu bo ta bon bezig, pero e ta sinti extra special ora otro hende bisa bo, segun Hoevertsz, referiendo na e palabranan cu ATA a dirigi na COA. Por comproba esaki mirando cu hasta Panam Sports a reconoce COA cu un simbolo di bon trabou. ATA por ta sigur cu COA lo pusha e atletanan duro y cu lo tin bon resultado tanto p’e atleta, COA, Aruba y ATA.
Por ehempel pa e ceremonia di apertura, tin un garantia di mas cu tres biyon hende lo wak e transmision, sea riba television of plataformanan social. E atletanan cu bandera den man y tur bisti na colornan y simbolo di Aruba y cu mas di tres biyon di hende lo mira nan, ta algo riba su impagabel, pero ATA ta kere den nan y ta desea nan tur clase di exito.
Oficina di Turismo di Aruba bou liderazgo di Ronella Croes tin e honor di anuncia cu nan lo sigui sostene Comite Olimpico Aruba (COA). A firma un acuerdo di dos aña cu COA, demostrando nan sosten na deporte y e atletanan cu ta saca cara di Aruba internacionalmente.
E ta importante pa brinda sosten, Croes a menciona. COA mester di fondo pa biaha pero ATA mester e mercadeo. E marca Aruba ta algo cu ATA no ta pichiri den dje, mirando cu nan sa por medio di cifra, cu e lo converti den mas bishitante pa pais Aruba.
E biaha aki ta mas importante ainda pa sostene COA mirando cu nos ta na caminda pa e weganan olimpico mundial cu lo tuma luga den luna di juli na Paris. Ya tin confirmacion cu tin tres atleta di Aruba cu lo bay y ainda falta algun pa caba di clasifica. E atletanan ta sirbi como un embahador di nos pais. E resultadonan ta papia pa nan mes y esey ta e base pa sigui sostene COA. E atletanan ta sirbi como ehempel hasta, Croes a termina bisando.
Wanda Broeksma ta presidente di COA, durante di e conferencia di prensa, el a indica bisando cu e resultadonan ta bisto. Nan forma di traha ta uno di transparencia. Nan ta bin bek na ATA, ta habri buki y ta mustra unda e placa a bay, asina ta crea confiansa tambe den nan partner local, ATA. Mr. Nicole Hoevertsz ta secretario general di COA, Hoevertsz ta contento cu e acuerdo aki.
Tin ora bo sa cu bo ta bon bezig, pero e ta sinti extra special ora otro hende bisa bo, segun Hoevertsz, referiendo na e palabranan cu ATA a dirigi na COA. Por comproba esaki mirando cu hasta Panam Sports a reconoce COA cu un simbolo di bon trabou. ATA por ta sigur cu COA lo pusha e atletanan duro y cu lo tin bon resultado tanto p’e atleta, COA, Aruba y ATA.
Por ehempel pa e ceremonia di apertura, tin un garantia di mas cu tres biyon hende lo wak e transmision, sea riba television of plataformanan social. E atletanan cu bandera den man y tur bisti na colornan y simbolo di Aruba y cu mas di tres biyon di hende lo mira nan, ta algo riba su impagabel, pero ATA ta kere den nan y ta desea nan tur clase di exito.
