E hecho cu no tin cancelacion y cu tin hasta anuncio di vuelo nobo pa Aruba, ta algo sigur cu ta hopi positivo pa nos turismo, a pesar di e aumento di contagio cu tin na Aruba.
No a drenta cancelacion cerca e aerolineanan y liñanan crucero, ta loke cu CEO di ATA, Ronella Croes a comenta durante di un rueda di prensa diahuebs.
Aunke tin cu señala cu fo’i mundo di aviacion tin indicacion cu kwartaal tres lo ta uno dificil. Sinembargo ATA lo sigui pusha duro pa limita e perdida den turismo mas tanto posibel.
Otro cos tambe cu ta hopi positivo ta e hecho cu Avianca a anuncia publicamente di su 13 rutanan nobo incluyendo nan servicio di Medellin-Aruba, cu lo cuminsa pronto y tambe vuelonan charter fo’i Brazil pa september, cu indicacion di lo amplia pa e resto di e aña.
Pa cobertura mas amplio, lesa e edicion di TREMPAN mañan.
