Aruba Marriott a celebra e inicio di e Associate Appreciation Week. E aña aki un bes mas Aruba Marriott ta celebr’e un siman completo cu diferente actividad pa su asociadonan. Meta principal di e siman aki ta pa bisa e asociadonan “Danki”. Sigur un danki pa tur loke nan ta haci pa Aruba Marriott y Marriott International. Como tambe, Aruba Marriott, ta yama danki pa tur e esfuerso y empeño na trabou. E exito di Aruba Marriott ta danki na tur e 1300 asociadonan.
Ruthline Theysen, Complex Director of Human Resources, a splica cu dialuna a inicia e evento cu un lunch pa tur asociado di Surf Club, Ocean Club y Resort & Casino den e ballroom. Ademas di lunch, e asociadonan a haya un t-shirt como muestra di aprecio y nan por bisti e t-shirt durante e siman di celebracion aki. Ademas, dialuna a duna inicio na e actividad di Career Journey. Den e career journey e asociadonan ta ricibi un mapa estilo scavenger hunt caminda nan por scoge un departmento y asina haya mas conocemento for di e departamento y asina kisas eherce un funcion den e departamento aki den futuro.
E extra bon noticia cu a comparti cu e asociadonan, segun Theysen, ta cu siman pasa, net prome cu inicio di e ‘Appreciation Week’, a anuncia un aumento di salario general pa tur empleado di e compleho di hotelnan Aruba Marriott, pues tanto di Ocean Club, Surf Club, Resort y Casino. E anuncio y aumento a cay den masha bon tera cerca e empleadonan. Ta nota cu e hotel ta bayendo bon, ocupacion ta halto y gerencia ta comparti e progreso aki tambe cu tur asociado!
Mensahe final
Aruba Marriott su team ehecutivo ta gradici tur asociado pa nan trabou y dedicacion pa Aruba Marriott. “Danki pa confia den nos, danki pa bo lealtad”, Ruthline Theysen, Complex Director of Human Resources. E exito di Aruba Marriott ta danki na cada asociado cu ta yega tur dia trabou cu un sonrisa y ta duna un servicio excelente na tur huesped.
Tocante Aruba Marriott Resort & Stellaris Casino
Aruba Marriott Resort & Stellaris Casino a habri na aña 1995 cu 411 camber y a añadi tres camber na 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
