Diamars anochi Asociacion Amigos de Colombia a organisa un ‘Cena de Bienvenida’ na e restaurant Don Jacinto.
Moises Fernandez, presidente di Asociacion Amigos de Colombia a splica cu e dinner aki tabata un manera pa e comunidad Colombiano duna un cordial bon bini na nan consul nobo, Mirza Gnecco.
Fernandez a splica cu esaki ta e di dos biaha cu e ta bishita aki na Aruba. E tabata consul caba riba nos isla algun ana atras y awo e ta bolbe bek pa un biaha mas, traha den representacion di e comunidad Colombiano riba nos isla.
Consul nobo di Colombia, Mirza Gnecco a bisa di ta hopi gradicido na su compatriotanan pa e homenahe duna na su persona.
El a bin cu e bon boluntad di semper y tambe e conviccion pa asina traha na bienestar di su compatriotanan.
