Tin por lo menos 50 famia ta haya sosten di parokia di Brazil, tur luna. Esaki no ta nada facil. Segun pastoor di Parokia, Wuilder Garcia, e asistencia social no ta un ente gubernamental cu tin cierto cantidad di placa pa sostene hendenan den necesidad.
Nan ta un grupo di hende di bon curason, cu ta yuda hende por ehempel busca remendi. Si nan haya entrada di cualkier fundacion of cualkier cuminda, nan ta reparti pa muchanan cu no tin manera.
Manera cu por, ta duna un man y esey ta e funcion principal di asistencia social. Duna un man na esun cu mas tin mester. Por ta e ayudo no ta bin cu cen, pero ta un compañamento spiritual of hibanan un cierto luga.
Ora cu tin tiki mas cen, ta duna e famianan aki un macuto. Tin cierto actividadnan unda cu ta duna algun cos pa come y compania, cual ta hopi importante.
E aña aki a cuminsa cu dos proyecto grandi cual ta evagenlisacion y hiba e comunion na esnan cu ta enfermo.
Parokia di Brazil ta traha duro pa sosten di e parokia imaterial y tambe e sosten spiritual cu ta canando grandi. Esaki ta e dos proyectonan cu ta hiba p’adilanti por medio di dos candidato di diacono permanente, cual ta Michael Nicolas y Patricio Nicolas.
Un pa trata y haci tur esfuerso di por hiba e comunion na hende cu ta enfermo na cas y e otro pa por evangelisa cas pa cas den pueblo.
A cuminsa caba den e bario di Brazil. Esaki ta su proyecto unda cu ta bay traha duro pa dos aña largo y siguramente lo trece frutanan spiritual y tambe sosten di e propio parokia.
Situacionnan dificil
Segu pastoor Garcia, a yega di topa un cas cu a kima. Aki mester a bay cerca e famia, duna consuelo como tambe un abraso, anima nan, y trata di purba por medio di instancianan di gobierno. Mester a bay tiki mas leu pa yuda percura pa nan haya restauracion di nan cas tiki mas cerca. Ta situacionnan unda cu ta bisa cu iglesia, pa medio di su fielnan mes, pasobra ta hendenan ta parokia ta haci esey. E pastoor ta purba di guia te caminda cu e por, cu un curason habri.
Tin algun caso mas grave cu otro. Pero en fin, ta algo cu ta e pastoor a experencia personalmente, cual ta e cas cu a kima, unda cu a bay cerca e famia y a duna nan apoyo.
