Un caso tristo a sosode dialuna mainta. Un problema serio cu cacho cu por tabatin consecuencia mas grandi si no tabata reaccion rapido di ciudadanonan y polis.
E echo aki a tuma luga algo prome cu 11:00 am y e polisnan cu a acudi na e sitio a tuma e decision pa los tiro riba e pitbull cu tabata responsabel pa loke cu a pasa eybou.
E pitbull a masacra un cacho banda di Piedra Plat 19. El a laga e cacho cu hopi lesion. Ora cu e Polisnan a yega na e sitio a tuma nota cu e pitbull tabata ataca e otro cacho ferozmente. A bay trata di controla e pitbull cu tabata mustra razo, a papia, a grita, pero no tabata haya reaccion for di dje. A cuminsa saca arma y asina cu a laga los cu tabatin bista cla riba dje, a los e tiro.
Despues a cuminsa averigua kico a pasa pa evita tipo di incidentenan aki den futuro. Un bisiña a mira tur kico a pasa y por a compronde cu ambos cacho tabata mara.
Ta danki Dios cu e cachonan aki no a los cana bay den bario ya cu cercania tin un scol.
