Pa Aruba henter y mas cu claro 24ora.com ta un orguyo inmenso ora cu un Arubiano logra hisa nomber di Aruba na halo y resalta den cualkier competencia demostrando nos talento y cultura unico. Asina nos a bin tende e grato noticia cu Ashantee Martus, un hoben talentoso y sabi cu a sa di briya riba scenario di e competencia di Miss Teen Cultura Continental na Honduras, a hiba e titulo maximo den e competencia aki. Ta durante henter e siman cu a pasa aki el a representa nos isla dignamente cu hopi energia, pero tambe disciplina conhuntamente cu e apoyo di e ekipo di GLW Foundation.
Aki mas cu claro a manda palabra di gradicimento p’ e ayudo y sosten 100% di su mama Miri Contreras , kende a para su tras desde prome dia, George Winterdaal, Endy Croes, Carl Quant, Marisol Peña y tur otro hende cu a duna un man den un of otro manera. Dia 25 di januari pa 12:04 pm e vuelo di Ashantee lo yega Aruba y manera semper nos lo t’ey pa yama bonbini na un reina mas di Aruba!
