Mas y mas por mira cu Imsan ta dunando un servicio di scapa bida na e sitio, etc. Director di Imsan, dr. Joel Rajnherc a splica cu na prome luga, e por bisa cu por ta hopi orguyoso di nan departamento di ambulance na Aruba.
E ultimo añanan, e desaroyo ta uno tremendo. No solamente den e situacion mecanico, e cantidad di auto, e ekipo medico cu nan tin riba e ambulancenan. Tur eseynan ta cosnan cu ta cuestion di inversion di hopi placa. Pero tambe a wordo inverti masha hopi placa y tempo na e educacion di e enfermeronan riba e ambulancenan. Nan tur ta certifica riba e nivel di mas halto cu ta obtenibel. Esey ta wak cu tambe porfin pueblo di aruba a cuminsa custuma cu no ta un cuestion mas di hisa benta pashent den auto y primi gasolin pa yega hospital. Ta stabilisa e pashent prome na e sitio, y ora e ta den bon condicion pa wordo transporta, cu no ta haci daño, pero ta haci bon, e momento ey ta cuminsa core.
Tin momentonan cu mester core masha lihe y tin momentonan cu juist tin cu core poco poco pa no duna e pashent mas problema y haci mas daño pa e pashent. Esey ta algo cu nan ta hopi gradicido cu pueblo tambe ta realisa kico e sistema ey ta y ta mirando cu mas y mas ta haya cooperacion di pueblo tambe.
Tur e otro departamentonan cu ta yuda Imsan den e situacionnan asina manera polis y brandweer, tambe ta hopi orguyoso di nan pasobra semper ta un teamefford. Nunca cu ta algo cu ta haci bo so. Den e mesun manera tin cu nombra e chauffeurnan, manera cu nan tabata yama antes, awo ta wordo yama como asistente di e verpleegkundigenan abordo. Nan sa medicamente con pa asisti e verpleegkundigenan. Mas y mas ta nota ora tin accidente cu no ta un vehiculo cu bo ta wak eynan di ambulance. Ta dos y hopi biaha e di tres ta e rapid responder. Semper tin e posibilidad di manda un pickup cu tur ekipo caba cu un personal enfermero pa bay caba pa cuminsa haci e prome auxilio. E sistema a bira tremendamente bon.
E di dos ta e ekipo ta hopi bon y di tres ta cu e vehiculonan ta tur den e miho calidad cu nan tin. Awo ta hopi importante pa por mantene e nivelnan ey. Sigui inverti den nos servicio di ambulance y no laga esaki bay atras.
Peso financiero pisa
Servicio di ambulance ta un di e gastonan mas grandi cu Imsan tin na e momentonan aki. Ta kere cu ta un neck and neck race entre dialyse y ambulance di e gastonan financiero cu tin cu inverti pa salubridad publico.
Cobramento
Dr. Rajnherc ta splica cu te awor aki Imsan ta ricibi anualmente un lumpsun y esey ta cubri tur e gastonan cu Imsan ta haci. Tambe e servicio di ambulance y ta haci esey. Ta haci calculacionnan, demostrando cuanto ritnan tin, cuanto ritnan di urgencia tin, cua di nan ta bestel vervoer. Tur eseynan ta cada un specifica y ta conoci na Imsan y na AZV.
Transporte
Pashentnan di Dialyse primariamente ta wordo transporta door di un compania priva y cu tin nan propio areglonan cu AZV. Imsan tey mas y mas pa e emergencianan medico cu ta necesario. Ora cu tin necesidad di tin riba e ambulance e hendenan cu e nivel di educacion mas halto posibel, manera cu tin awo, pesey tin cu uza ambulance. Otro formanan di ziekenvervoer, ziekentransport, por wordo haci door di personal menos halto educa, menos costoso y ta wordo regla via AZV.
Competencia
Con cu bay bin Ambulance ta un negoshi y tin cu genera entrada. Imsan ta un instituto medico riba su mes. Dr. Rajnherc a splica cu esey ta depende di e ambulancewet cu tin cu drenta na vigor ainda. E ta bay bira un sistema unda Gobierno, ministerio di salubridad ta e departamento cu ta duna un permiso. Ta hopi importante cu pa e wetgeving aki ta wordo tuma, ki sorto di ambulance ta papiando di dje. Ta papiando full ambulance cu full ekipo, medicamente ekipa, pero tambe personal y por duna 24/7 servicio. Pa un isla chikito asina, pa tin mas cu un di e servicionan ey, ta bay ta un tiki ilogico. Pero si tin hende cu kier inverti hopi placa y perde placa, nan ta mas cu bon bini.
