Dia 14 di november ultimo tabata Dia Mundial di Diabetes y e aña aki Aruba One Happy Island Lions Club a uni hunto cu Fundacion Diabetico Aruba, IBISA, POH y DVG pa hiba un campaña di control y prevencion di e enfermedad diabetes door di informa, educa y conscientisa nos comunidad. E tema di dia Mundial di diabetes 2021-2023 ta “access to diabetes care” y e tema di e di dos aña di e campaña ta “Educa pa proteha mañan.”
Club di Lions como organisacion di servicio comunitario, nos ta comprometi na yuda resolve e problemanan mas grave di mundo. Diabetes ta un di servicionan global cual ta un desafio considerabel pa nos humanidad y nos ta kere cu ta nos deber pa enfrenta esaki.
Pa varios aña caba Aruba One Happy Island ta organisa actividadnan relaciona cu e Dia Mundial di diabetes. Durante e siman di diabetes Aruba One Happy Island Lions Club hunto cu Fundacion Diabetico Aruba, IBISA, POH y DVG a organisa charlanan educativo na scolnan basico y tambe a organisa un Dia di Chekeo combina cu un charla Interactivo na IBISA Sportcenter San Nicolas. For di 8:00 am pa 10:00 am tabata tin chekeo di sucu, presion y BMI gratis.
Aruba One Happy Island Lions Club kier a gradici Fundacion Diabetico Aruba, IBISA, POH y DVG pa nan cooperacion. Muy en especial nos kier a gradici Dr. Dellanire Maduro, medico general, kende un biaha mas e aña aki a tuma na su encargo e charla tanto na scol como na IBiSA San Nicolas. Tambe nos kier a gradici e siguiente sponsornan cu a haci e eventonan aki posibel, Setar, WEB y Alains Catering y algun sponsor anonimo. Masha danki pa contribui cu e bon causa aki.
![](https://24ora.com/wp-content/uploads/2022/12/20221119_081932-1-1920x865.jpg)
![](https://24ora.com/wp-content/uploads/2022/12/20221119_111136-1-1920x865.jpg)
![](https://24ora.com/wp-content/uploads/2022/12/20221117_112916-1-1920x1240.jpg)
![](https://24ora.com/wp-content/uploads/2022/12/20221119_105928-1-1920x865.jpg)
![](https://24ora.com/wp-content/uploads/2022/12/IMG-20221117-WA0023-1.jpg)