E Campeonato di Aruba Little League (ALL) a ranca sali diasabra 6 y diadomingo 7 di maart cu e categorianan di 5/6 (teeball), 7/8 (coach pitch) y 9/10 (menor). E campeonato ta tuma luga riba veldnan rond di Aruba.
Den e weekend di diasabra 13 y diadomingo 14 di maart a continua cu e categorianan di 11/12 (mayor), 13/14 (junior) y 15/16 (senior) pa asina inicia oficialmente e temporada dushi di Little League na Aruba.
Ademas di esaki ta programa pa inicia cu e campeonato di Big League pa edadnan di 16-18 aña. A pesar cu na Merca a stop cu e liga aki mirando cu eynan tin High School baseball, ALL ta wak e balor den organisa e campeonato aki na Aruba pasobra pa e ultimo 3 aña no tawatin wega pa nan.
Cu e paso aki, un hungado por completa e programa di Little League cuminsando cu su 4 aña te cu su 18 aña.
Algun regla basico di wega cu ta aplica:
1. Teamnan ta matchup cantidad di hungado pa wega 9 pa 14;
2. Esun cu no hunga un dia ta hunga despues;
3. Time Limit edad 5-8: 1.30 ora
4. Time Limit edad 9-12: 1.45 ora
5. Time Limit edad 13-16: 1 45 ora
6. Tur wega tur categoria ta tira lot pa Home Team
Ariba mayoria veld lo por tin e posibilidad di wak wega for di den auto, mirando cu e protocol ta stipula cu no por tin publico ainda den categorianan di 11/12, 13/14 y 15/16. Pa e weganan di categoria 5/6 te cu 11/12 (edad nan bou di 12 aña) ta permiti un mayor den tribuna manteniendo distancia di 1.5 meter y cu tapaboca bisti. Nos ta pidi tur mayor y fanatico pa tene cuenta cu esaki pa asina nos muchanan por sigui hunga den tur bon ambiente e wega cu nan ta stima. Nos a ripara cu tin algun organisacion a cuminsa stream e weganan riba nan FB, esaki ta algo innovativo cu mester awendia pa den un forma diferente sigui apoya nos muchanan.
Por referi na e website di Aruba Little League www.arubalittleleague.org pa tur schedule, resultado y standing di e 6 categorianan den Little League. Tur resultado detaya di Winning Pitchers y Best Batters ta publica riba e pagina di Facebook di Aruba Little League: www.facebook.com/ArubaLittleLeague. Ta pidi tur fanatico pa saca potret riba e diferente veldnan y tag @ArubaLittleLeague pa asina por comparti imagennan di e ambiente riba cada veld rond di Aruba.
Schedulenan ta online pa cada categoria, por fabor tene na cuenta cu a pesar di a saca e schedule cu tempo suficiente, mester corda cu ta trahando cu mas stakeholder pa sigura un veld pa e muchanan hunga y ta pidi comprension ora di haci cambionan pa un of otro motibo cu ta fuera di nos alcance. Tur schedule lo keda updated segun e link nan aki bou.
SCHEDULE NACIONAL TEE BALL (5-6) 2021 (CAMBIONAN TA APLICABEL):
https://scheduler.leaguelobster.com/823550/tee-ball-5-6-2021/aruba-little-league-2021/
SCHEDULE NACIONAL COACH PITCH (7-8) 2021 (CAMBIONAN TA APLICABEL):
https://scheduler.leaguelobster.com/823563/coach-pitch-7-8-2021/aruba-little-league-2021/
SCHEDULE NACIONAL MINOR (9-10) 2021 (CAMBIONAN TA APLICABEL):
https://scheduler.leaguelobster.com/823577/minor-league-9-10-2021/aruba-little-league-2021/
SCHEDULE NACIONAL MAJOR (11-12) 2021 (CAMBIONAN TA APLICABEL):
https://scheduler.leaguelobster.com/823591/major-league-11-12-2021/aruba-little-league-2021/
SCHEDULE NACIONAL JUNIOR (13-14) 2021 (CAMBIONAN TA APLICABEL):
https://scheduler.leaguelobster.com/818489/junior-league-13-14-2021/aruba-little-league-2021/
SCHEDULE NACIONAL SENIOR (15-16) 2021 (CAMBIONAN TA APLICABEL):
https://scheduler.leaguelobster.com/818503/senior-league-15-16-2021/aruba-little-league-2021/
Aruba (North) Little League kier a invita e pueblo di Aruba pa sigui apoya nos muchanan den nan deporte. Pronto un hungado lo acerca bo persona pa cumpra un rifa pa contribui. Tur hungado, coach, manager, mayor, y demas boluntarionan ta feliz cu e temporada a cuminsa atrobe, na un forma diferente pero cu mesun animo y dedicacion na e deporte.
“Ta di aplaudi cu riba nivel di liga a cera cabes y bini hunto pa asina fortifica e teamnan den cada categoria, dunando nan e oportunidad pa midi forsa ariba nivel nacional enbes di p.e. hunga 12 wega contra e mesun team nan. Nos ta agradecido cu e cooperacion cu ta ricibi di tur boluntario dedicando nan tempo pa haci e weganan posibel tur weekend.” Melvin Quilotte presidente di ANLL ta subraya.
E programa di Little League tin como lema: caracter, curashi y lealtad y ta ofrece un cantidad grandi di experiencianan unico y beneficioso pa nos muchanan y nos comunidad. Cuminsa informa awe mes di teamnan den bo bario y trece e yiu, nieto/a, subrino/a y bisiña pa haci su promesa.
