Directiva di Aruba Karate Bond (AKB), bou presidencia di “Sensei” Felix Tromp, ta invita tur karateka miembro y no miembro pa participa na e campeonato “Aruba Summer Karate Championship 2021”.
E campeonato aki lo tuma luga diasabra 10 di juli na Compleho Deportivo Frans Figaroa na Noord. For di 10:00 am lo cuminsa cu categoria ‘rambuho’ (esta e mas chikitonan) pa despues sigui pa e categorianan halto.
Participacion pa miembro di Aruba Karate Bond (AKB) ta 15 florin. No miembronan ta paga mesun prijs. Ta invita tur interesado pa participa na “Aruba Summer Karate Championship 2021” pa manda un email di participacion mencionando nomber di scol di karate, nomber completo di participante, edad y grado (kyu) na [email protected] no mas tarda cu diasabra 3 di juli 2021.
Ta invita mayornan, famia y amigonan pa bin apoya nos karatekanan y asina contribui na e formacion di nos muchanan. Entrada general ta solamente 1 florin.
Campeonato “Aruba Summer Karate Championship 2021” ta posibel danki na ayudo di Stichting Sportsubsidie Aruba, Fundacion Lotto pa Deporte, Aruba Sport Unie y Comite Olimpico Aruba.
