Aruba Hospitality & Security Foundation (AH&SF) ta introduci su contribucion na e siguridad di residente y turista di Aruba den nos zonanan turistico, treciendo un presencia di siguridad cu ta dedica y visibel, esta e ‘Tourism Security Patrol Aruba’ (TSPA).
Funda na 2001 pa Aruba Hotel and Tourism Association (AHATA) den colaboracion cu Departamento di Polis, AH&SF a hunga un papel importante den apoya y promove siguridad den e areanan turistico y brinda un ambiente sano.
Actividad crucial di e patruya di siguridad pa turismo, esta e ‘Tourism Security Patrol Aruba’ ta inclui patruyamento activo, observacion preventivo, participacion cu comunidad, colaboracion cu autoridadnan local, respuesta na emergencia, y lo sirbi como un punto di informacion pa turistanan. E agentenan di patruya di siguridad a pasa un entrenamento riguroso pa mantene standardnan halto di integridad, cortesia y efectividad.
Toursim Security Patrol Aruba ta ranca sali enfocando su esfuersonan principalmente den e areanan di Palm Beach y Eagle Beach. E ploeg aki ta patruya primordialmente entre e playanan y e camindanan pa peaton dilanti e playanan. Sigurando un presencia di siguridad continuo y visibel ariba Palm Beach y Eagle Beach.
Tourism Security Patrol Aruba ta estableciendo e standard pa siguridad den industria di turismo. Cu un vision di mantene Aruba como un refugio sano pa turista y residentenan, e fundacion ta comprometi pa ta un forsa pro-activo den apoya y promove siguridad den zonanan turistico di nos isla.
Awe ta introduci Tourism Security Patrol Aruba, dedica pa nos residente y turista por sigui disfruta di nos areanan turistico cu trankilidad.
Pa mas informacion, por bay na www.tourismsecuritypatrol.com.
