CVA Aruba, hunto cu Fundacion Diabetes Aruba, den cuadro cu Aruba Doet, a tene hunto un workshop, caminda cu unda cu esunnan presente a siña cushina cos saludabel, cu a tuma luga na Centro di Bario Brazil. Segun Azriah Palm, boluntario di Fundacion CVA Aruba, a conta cu nan ta bezig cu un wega pa sa cuanto salo un producto tin. Ta algo cu mester ta hopi consciente di dje. Mayoria biaha, ora nos come, nos ta benta tiki saus pa duna e cuminsa smaak. En realidad awo nan a mira cuanto salo nos ta consumi pa dia.
Charlene Leslie, di fundacion Diabetes Aruba, a splica di su banda cu tin cu cuminsa cu pasonan chikito.
Enfoca por ehempel prome riba scoge mas producto natural, mas producto no di bleki, no di pochi, no di paki. Nan ta mas facil si, pero nan ta agrega salo (sodium) pa conserva e alimento. Mas natural nos scoge, menos salo agrega tin den dje.
Tambe un otro parti ta pa lesa label. Aki nos mes por spanta cuanto sodium tin den producto mes.
Pa cobertura mas amplio lesa edicion di TREMPAN mañan.
