Un otro scol cu a participa den Aruba Doet tabata Mon Plaisir School. E biaha nan a opta pa drecha e klasnan.
Debby Arends-Gietel, director di Mon Plaisir School, a bisa aña pasa cu APFA nan a haci tur e “facelift” dje parti pafo di e edificio. Pero e aña aki cu Aruba Doet nan a haci tur klas, unda a saca pafo tur banki y cashi. Incluso a probecha pa tira cos afo y asina por tin un klas limpi, bunita dialuna awo.
E mayor-, boluntario y docentenan a haci tur mesa limpi, tur cashi limpi, mientras ta haci pafo limpi ta haci esey tambe paden. Asina paden tabata limpia a hinca tur cos nechi paden bek y dorna e klas un poco. Segun Arends-Gietel, loke nan no a haci ultimo biaha tabata verf e portanan y e biaha aki a haci nan blanco.
Nan a conta cu mas di 90 boluntario, entre nan Gianni’s Group, Eagle Aruba, Nagico, PMO di aeropuerto, tambe hopi mayor y docente. E proyecto aki no ta importante so, pero a bira un necesidad. Nan ta participa tur aña, pasobra ta un manera pa yuda mantene e scolnan. Tur biaha ta tende cu no tin suficiente placa pa haci tur locual bo kier. Esaki ta e oportunidad pa nan tur aña y ta drecha aki aya.
