Aruba Doet ta bek pa asina yuda den diferente proyecto rond di nos isla.
Despues cu aña pasa, a cancela Aruba Doet door di e pandemia, e aña aki un biaha mas Aruba Doet t’ey. Esaki lo tuma luga e fin di luna aki: dia 28 y 29 di mei. CEDE Aruba ta buscando di boluntarionan pa e dos dianan aki.
Daniel Tecklenborg, director di CEDE a informa cu ya caba nan tin mas di 1700 boluntario caba, pero ainda nan mester 1100 persona mas. Un punto hopi importante ta cu nan lo tene nan mes na tur e reglanan di DVG.
Diabierna proximo entrante 7’or pm, Doeti lo ta riba Linear Park unda cu por saca potret cu Doeti pa un ora largo. Esun cu saca potret cu Doeti por post esaki ariba Facebook y pone e palabranan Aruba Doet pic. Por gana premionan di SuperFood, daypass di Riu Hotel y tambe diferente premionan di Aruba Aloe.
