Cora Mora ta un di e coachnan di e team di Aruba cu a participa den e competencia internacional di landamento artistico. Ta trata aki di e Pan AM Aquatics Artistic Swimming Championship cu a tuma lugar na Fort Lauderdale USA. Mora ta conta cu promer cu e biahe e proceso di preparacion tabata uno bastante fuerte. Desde cu e la cuminsa coach e team e aña aki e la haci algun cambio den e forma di entrenamento incluyendo mas ora pa siman. Parti di e cambionan ta un tiki mas enfoke riba tera. E hoben nan a sa di adapta na un bon forma.
Cada hoben tin su personalidad y esaki tin biaha por ta dificil pa por duna guia. Pa e coach e esencia ta pa por conoce cada un di nan y tambe tin hopi pasenshi. Cada un tambe tin nan ritmo y esaki tambe mester tene na consideracion.
E team tabata sa cu nan lo bay topa algun pais fuerte manera e.o Merca, Canada y Mexico. E team di Aruba no a logra sali den e finalistanan, pero sigur e tabata un bunita oportunidad pa por competi riba un nivel halto.
