Representante di 24ora tabata presente na Miami pa cubri e Truesecore International Open & National Team Trial Taekwondo. A logra di entrevista ambos coach (Clifford Rasmijn y Yoshmar Wever) pa nan por a splica con e competencia a bay. Tambe nos a papia cu Shenille Perez kende a gana dos medaya di oro.
Master Clifford Rasmijn y Master Yoshmar Wever a coach e team di Aruba. Master Yoshmar Wever y Master Clifford Rasmijn a prepara e team bon pa e evento aki cu ta parti di e planificacion di 2023/2024. Shenille Perez, Quinten Klaber y Aidan Klaber a gana medaya di oro. Jethro de L’isle y Quinten Klaber a gana plata.
Shenille Perez a bringa den dos categoria y a logra dos medaya di oro. Quinten Klaber a bringa den dos categoria y a gana un oro y un plata. Aidan Klaber a gana oro, mientras Jethro de L’isle a bringa den dos categoria y a gana dos medaya di plata.
Presidente di Aruba Taekwondo Bond, Moises Fernandez, a felicita Taekwondo Team Aruba cu e logro aki. Taekwondo Team Aruba ta gradici tur automobilista pa nan donacion, esaki a haci cu e team por a trece shete medaya Aruba.
