Diahuebs atardi na Brussels, Belgica a tuma luga e firmamento entre Aruba y Comision Europeo pa ricibi un suma di 14.2 miyon euro. E suma aki ta destina pa sostene Aruba den su transformacion digital y e proyecto tin enfasis riba e-government.
Esaki ta pa por tin e.o mas automatisacion, sincronisacion y otro avancenan tecnologico den e aparato gubernamental. Representante di 24ora.com tabata presente y a sostene un entrevista cu Minister Geoffrey Wever despues cu a firma e acuerdo.
Minister Presidente di Aruba mr. Evelyn Wever Croes tambe tabata presente mirando cu e proyecto di e-government ta cay bou di su ministerio.
