Despues di un reunion den Parlamento diaranson, nos a papia cu Parlamentario di fraccion di AVP mr. drs. Arthur Dowers. E ta preocupa den e forma, den e caso aki Gobierno, ta atendiendo cu e pueblo aki, cu un sin fin di persecucion y medida.
Den Parlamento tabata tin reunionnan basta cayente y hasta tin di compronde cu e mester a pone un ke otro miembro di parlamento entre otro di MEP, na Waterpas.
Dowers a splica cu tabata tin un reunion awe caminda cu a trata e jaarrekening 2016. Por a mira cu e jaarrekening 2016 no ta na agrado di partido MEP, pasobra nan a bin ta hiba un campaña añanan largo cu ta ministernan di AVP a bin ta horta placa di pueblo, etc.
Awo ta mira un jaarrekening ta presenta y ta bisa exactamente kico a wordo haci cu e placa.
Awo por ripara cu tin no ta compronde precies kico e jaarrekening ta y nan no ta compronde tampoco cu un jaarrekening ta simplemente e determinacion un dado momento di un situacion cu a pasa.
Den pasado, mester a trata 50 aña di jaarrekening cu nunca a wordo trata den e pais aki. Y awor aki ta asina leu cu luga di bin parlamento den forma serio atende cu e cos aki, pa sigui p’adilanti, tin ta bin yora y falta respet pa parlamento.
Ora cu un parlamento cu tin un presidente, e presidente ta dirigi e reunion y no por haya un hende sinta den banki ta grita. E no ta compronde di loke ta trata di dje. E ora tin cu mustr’e cu no ta bao di palo of riba waf nan ta. Cu ta den un sala di parlamento unda cu tin cu respeta otro hende tambe. Y na momento cu haya chens, ta respetabo.
Ora cu e ta papia, y si bo no ta interesa pa scucha, ta bay loke tin di haci, pero no stroba hende, molestia y daña e reunion.
Di un otro banda por mira cu ta e liña si di e hendenan aki, pasobra cu nan ta den gobierno, ta nan ta Dios, ta nan ta manda riba e pais aki. Algun cos a capta Dowers su atencion.
A move den pueblo y a haci basta bishita. Pueblo y comerciantenan ta sinti cu tin un gobierno cu tin nan bao di menasa. Un gobierno cu a abusa di nan, cu a kita nan poder di compra. Hopi hende ta reserva pa haci inversion den e pais aki cu logicamente ta transmiti den efectonan cu nos por mira den nos economia.
Colega di Partido, sr. Arends a taha nan pa e situacion cu nos ta bibando awe y por mira cu el a bira un realidad loke a wordo bisa, door cu tin hendenan sin vision, dirigi riba nan mesun saco. Hendenan dirigi riba nan hendenan. Por tende hasta bisa cu nan a bin den gobierno pa yuda nan hendenan cu ta cerca di nan y awor aki nan ta wordo stroba, pa faborece cerca di nan, pasobra cu tin un CFT cu nan mes a busca.
Nos por a corda cu sra. Wever-Croes e tempo ey, y Xiomara Ruiz-Maduro a bay Hulanda, pidi Hulanda pa bin cu CFT. Awo por tende partido MEP ta yora, pasobra segun nan CFT ta stroba nan di faborece nan famia y amigonan.
Un tema cu tambe ta sumamente importante, pa loke ta con nos ta atende cu hende den e pais aki, ta hustamente e parti di persecucion sin limite cu a bin ta conoce.
