E ta un berguensa pa mira diferente minister ta cana yora den prensa. Cu asombro ta constata ta cada rato nan ta di bishita cerca procurador general, como si fuera e procurador ta nan abogado priva.
Arthur Dowers a duna di conoce cu tempo cu nan tabata den gobernacion, e ta algo nunca bisto cu un minister ta sinta cerca procurador general pasobra e persona aki no tin ningun cuenta di duna na ningun minister.
Ta di mira awo con Minister Glenbert Croes ta presenta, no ta departamento di recherche ni tampoco na fiscal manera e mester ta, pa asina entrega keho na dos periodista pero ta cana yega na oficina di procurador general.
Pa e hay’e mal sirbi y avisa cu locual el a bin haci eynan ta ‘non sense’. Na su luga a dun’e di conoce cu esakinan no ta asunto cu un procurador general ta atende cu ne. No obstante e puro hecho cu e procurador ta sinta cu ne mes ta algo bergonsoso caba.
Pakico bo no a trece dilanti bo acusacion
Pregunta cu parlamentario Arthur Dowers a trece dilanti referent e situacion aki ta cu dicon Minister Glenbert Croes no a trece dilanti e acusacion cu el a haci den conferencia di prensa riba e periodistanan cu el a menciona? Acusacion serio a bin dilanti na momento cu a bisa cu nan ta bende droga y labado di placa. Si acaso e tabata na procurador general, tabata net un bon momento pa presenta e acusacion aki. Pero no ta locual cu e minister a papia na oficina di procurador.
Pa un relato completo por lesa esaki den bo edicion di Trempan.com
