Un situacion serio cu te ainda no tin manera pa frena, ta e problematica di arma di candela. Mas y mas ta bin dilanti suceso caminda uzo di arma di candela tabata presente. Por a tuma nota tambe algun detencion, no mucho tempo atras, di hende cu no un pero dos biaha envolvi y/of cu arma di candela riba dje.
Asina ey por sigui menciona, entre otro atraco tumando luga riba nos isla caminda a informa cu lo tabatin arma di candela presente. Durante marduga no ta prome biaha cu den area di establecimento nocturno ta pasa los tiro.
Esaki ta e caso di awe marduga, den careda di 5:00 am, polis a bin topa cu shete huls riba caminda. Na altura di rotonde prome cu yega aeropuerto, riba Watty Vos Boulevard.
Mesora a tuma contacto cu departamento concerni pa asina bin documenta locual a bin topa cu ne. A cera henter a area. Segun por a compronde na sitio, un yamada lo a drenta y bati alarma riba e tironan den e area. A tuma tur dato pa asina investigacion por cana su caminda.
