Recientemente Contraloria General di Aruba (ARA pa su nomber na Hulandes) a finalisa cu un investigacion extenso cu a haci y cual rapport a haya e nomber “Op afstand, maar toch dichtbij”. E investigacion a haya e nomber aki pa motibo cu ta trata di un investigacion profundo riba institucionnan (empresanan estatal), cu ta saca for di man di gobierno, pero toch den man di gobierno.
Trahando e rapport aki, ARA cu kier a brinda apoyo na e tarea controlado di Parlamento, pa di e forma aki nan pusha pa tuma medida unda cu ta necesario. Den introduccion di e rapport, ARA ta bisa cu den esaki ta di importancia pa siña di pasado pa controla riesgo ora cu lanta, funda of independisa organisacionnan den futuro.
Pa un situacion ariba menciona, mester sa adelanta kico e ta bay costa pero tambe un bon motivacion pa aleha un departamento of servicio for di mannan di gobierno. E investigacion tabata concentra riba seis empresa “di gobierno”: Arubus; Post Aruba; WEB; Serlimar; Lotto pa Deporte y Refineria di Aruba (RdA).
Na final a resulta cu di e seis empresanan aki, tres tabatin resultado financiero negativo (empresanan estatal); Un empresa estatal cu resultado financiero positivo; un persona huridico cu resultado financiero negativo y un fundacion di gobierno cu resultado financiero negativo.
Lesa relato amplio den TREMPAN.
