Ta reina un frustracion meymey di e parlamentarionan di oposicion, pa motibo cu nan ta manda haci pregunta na e ministernan, pero nunca nan no ta haya contesta riba nan preguntanan.
Parlamentario pa fraccion di MAS, Aquannette Gunn, ta di opinion cu esaki ta un falta di transparencia total. Gabinete Wever-Croes II ta papia di transparencia y nan ta indica cu esaki ta un prioridad halto riba nan punto di gobernacion. Gunn, dia 10 di januari 2022, a manda haci algun pregunta, relaciona cu hedging y tambe Eagle LNG. Pero te dia di awe, e no a haya un contesta ariba su preguntanan.
Dia 9 di november 2021, Minister Glenbert Croes a haci acto di firmamento simbolico cu Eagle LNG. Pero mientras tanto, parlamento tabata sa cu e hedging lo a caduca dia 30 di december 2021. Pregunta ta keda awo, ki consecuencia e falta di hedging lo tin ariba e prijs di awa y coriente?
Pa un relato mas amplio, lesa TREMPAN.
